سددوا ديونكم المعنوية . . .
عشت عمري وأنا فاكره إن الدين هو دين مادي فقط
لحد ما عرفت معني * الدين المعنوي *
من كام شهر أثناء جنازة أحد الأشخاص
سمعت الشيخ بيقول جملة غريبة أوي
يا جماعة لو الراجل ده عليه دين معنوي
ياريت تسامحوه فيه ! ! !
الحقيقة سألت حد من أهل العلم
ما معنى دين معنوي ؟ ؟ ؟
* عرفت أن معناه ما تظلمش حد
وتيجي عليه عشان ده دين معنوي . . .
* ما تسيبش حد زعلان منك
لأنك ممكن تموت ويبقى ده دين معنوي . . .
* ما تشتمش وما تجرحش
وما تهينش عشان دي ديون معنوية . . .
* ما تكسرش بخاطر حد عشان ده دين معنوي . . .
أول مرة أحس إن الدين المعنوي
أصعب وأخطر ١٠٠ مرة من الدين المادي . . .
الدين المادي سهل إن الورثة يسددوه عن المتوفي
لكن الدين المعنوي مين يسدده ؟ ؟ ؟
وإيه أصلا ثمن السداد ؟ ؟ ؟
يا جماعه
دين الخاطر والقلوب أخطر وأكبر
عند رب القلوب والخواطر ...
خلي بالك منه لأنك الوحيد المسؤول عنه ومتعلّق برقبتك
وما حدش حيسدده عنك يا بخت من سدد دينه أول بأول . . .
من فضلكم راعو مشاعر الناس
وما تكسروش بخاطرهم
وتقبلوا بصدر رحب إختلافاتهم عنكم . . .
ربنا خلقنا مختلفين عشان نكمل بعض
مش عشان نجرح بعض ونقف لبعض عالوحدة ! ! !
اللهم
انت ربى لا إله إلا أنت خلقتني وأنا عبدك
وأنا على عهدك ووعدك ما استطعت
أعوذ بك من شر ما صنعت
أبوء لك بنعمتك علي وأبوء بذنبي
فاغفر لي فأنه لا يغفر الذنوب إلا أنت
ربى أغفر لى . . .
م-ن
ليست هناك تعليقات:
إرسال تعليق